هادو جوج دراري كانوا مدابزين ف القسم.

جا الأستاد لقاهم ف ديك الحالة وسولهم: مالكم على هاد الصداع؟
قالوا ليه: لقينا 100 درهم، واتفقنا اللي قال أكبر كدبة ياخدها.
قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.
وهوما نيت يعطيوه دوك الدراري 100 درهم
واحد الاستاذ قال لواحد التلميذ: صرف
Verbe "Dire" au présent de l'indicatif
الولد ماعرفش الجواب وبقى ساكت
قال ليه الاستاذ: أنا نعاونك في الاولى، و انت كمل
Je dis
الدري تفتحو عينيه من الفرحة و بدا
Vendredi
Samedi
Dimanche
هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟
حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية
سول الأستاذ واحد التلميد: باش كتحلم؟
قال ليه الدري: كنحلم نشد 10000 درهم ف الشهر بحال الوالد.
قال ليه الأستاذ: علاش باك كيشدهم؟
قال ليه الدري: لا، حتى هو غير كيحلم.
واحد مشى مع مدامتو للسينما
شرى شيبس وبدا ياكل
قالتلو مدامتو ذوقني، عطاها حبة
كلاتها وقالتلو زيد ذوقني
قالها: يا الحمارة!! كاملين عندهم بنة وحدة
واحد المرا وراجلها مخاصمين وما كيهضروش مع بعضياتهم. الراجل بغى يفيق بكري باش يمشي للخدمة، كتب لمرتو ف ورقة: فيقيني مع 7:00، وحطها ليها حدا الناموسية. منين فاق لقى 10:00 وحداه ورقة مكتوب فيها: فيق، راه 7:00 هادي


مبوق شاف بلاكة مكتوب عليها: مزرعة أبقار
سول مول المزرعة: كيفاش كتزرعوا البقر؟
تفلى عليه السيد وقال ليه: كنرشوا السكر وكيخرج البقر.
ناض المبوق الغد ليه رش السكر.
رجع من بعد نهار لقى النمل مجموع على السكر.
وهو يقول: يا حليلي على البقر ملي كيكون صغير.
هادو جوج دراري كانوا مدابزين ف القسم.
جا الأستاد لقاهم ف ديك الحالة وسولهم: مالكم على هاد الصداع؟
قالوا ليه: لقينا 100 درهم، واتفقنا اللي قال أكبر كدبة ياخدها.
قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.
وهوما نيت يعطيوه دوك الدراري 100 درهم
واحد الكسول سول المعلم ديال الانجليزية: أستاد، أشنو المعنى ديال why؟
قال ليه الأستاد: علاش.
قال ليه الكسول: لا، غير سولت.
قال ليه الأستاد: علاش أبنادم، علاش.
قال ليه الكسول: راه غير بغيت نتعلم الانجليزية
واحد الاستاذ قال لواحد التلميذ: صرف
Verbe "Dire" au présent de l'indicatif
الولد ماعرفش الجواب وبقى ساكت
قال ليه الاستاذ: أنا نعاونك في الاولى، و انت كمل
Je dis
الدري تفتحو عينيه من الفرحة و بدا
Vendredi
Samedi
Dimanche
هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟
حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية
هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات
واحد السبع كلا مرا شارفة وعجباتو... لحقاش مكرملة
هادا واحد مشى لهولندا و ماتيعرفش الهولندية، يالله تايعرف صباح الخير هي الداخ. وصل تماك بالليل وناض الصباح بكري تيدور بوحدو وتيتسنى يدوز شي واحد باش يقول ليه الداخ. شوية دازت واحد النصرانية وسبقاتوا قالت لو الداخ. معرفش باش يجاوبها وقاليها دردلاخ
هدي واحد المراة كتشك في راجلها
واحد النهار لقات ف حوايجو شعرة شهبة، قالت ليه: شكون هاد الشهبة اللي كنتي معاها؟
واحد النهار آخر لقات ف حوايجو شعرة زعرة، قالت ليه: شكون هاد الزعرة اللي كنتي معاها؟
واحد النهار ما لقات حتى شعرة، وهي تقول ليه: شكون هاد القرعة اللي كنتي معاها؟
هادا واحد حارق لسبانيا. ملي كان كيعوم لقى راسو ف وسط واحد السباق ف العومان، ناض سبقهم وربح. ملي مشى يشد الجائزة لقاها رحلة لمراكش
برغوت وبرغوتة كانوا ف السينيما. ملي سالى الفيلم و بغاو يمشيو للدار، قال البرغوت للبرغوتة: فيك ما يتمشى أولا نركبوا شي كلب؟
واحد الولد سول أمه: كون ما تزوجتيش بابا وما ولدتينيش وشفتيني عند الناس... تعرفيني؟
واحد سخي بزاف تحرقات ليه دارو 
ملي جاو البومبية قال ليهم والله يما تحطو ايديكم فشي حاجة قبل ما تشربو القهوة
هادا واحد السيكليس، مشى للقهوة وهو يطلب كاواتشينو